ადიგენის მუნიციპალიტეტის მერიამ გარე გამოყენების ტრენაჟორების შეძენაზე ტენდერი გამოაცხადა. მისი ღირებულება 17 000 ლარია. ინფორმაციას სამხრეთის კარიბჭე ავრცელებს.
მერიის მიერ გამოცხადებული ტენდერის მიხედვით, დაბაში 11 სხვადასხვა სახეობის ტრენაჟორი დამონტაჟდება: “ნიჩბოსანი“, „სხეულის ამზიდი“, „აზიდვა მკერდიდან“, „მიმზიდი მკერდიდან“, „აზიდვა ფეხებით“, „ტვისტერი“, „მუცლის კუნთებისთვის“, „წელის კუნთებისთვის“, „ელიფტური“ და „ორმხრივი ძელი“ .
მოეწყობა საჩრდილობელი ფანჩატურიც.
ტრენაჟორები 14 წელს ზემოთ პირებისთვის იქნება განკუთვნილი.
ტენდერში მონაწილეობის მსურველთათვის წინადადებების მიღება 28 სექტემბერს დაიწყება და 30 სექტემბერს 13:30 საათზე დასრულდება.
