ბათუმში წყალარინების 2 სატუმბი სადგური აშენდა

163

ბათუმში, თამარის დასახლებასა და ბარცხანაში, წყალარინების ორი სატუმბი სადგური აშენდა.

როგორც მერიაში აცხადებენ, სატუმბი სადგურები 5 000-მდე აბონენტს ემსახურება.

“სადგურების მეშვეობით აღნიშნული დასახლებების წყალარინების მასა იკრიბება და “ბ“ კოლექტორის გავლით ადლიის წყალარინების გამწმენდ ნაგებობაში გადაიტუმბება. მექანიკური და ბიოლოგიური გაწმენდის შემდეგ წყალარინების მასა ზღვაში 1 100 მეტრის მანძილზე, 40 მეტრ სიღრმეში იღვრება.

ბარცხანისა და თამარის დასახლების წყალარინების სატუმბი სადგურების მშენებლობის ღირებულება 1 200 ათასამდე ევროს შეადგენს.