ბათუმის მერიის ყოფილი თანამშრომელი დაჭრეს – დაკავებულია ორი პირი

648

აჭარის ტელევიზისს” ინფორმაციით მერიის ყოფილი თანამშრომელი ალექსანდრე თევზაძე დაჭრილია. სავარაუდოდ, მას კონფლიქტი აჭარის უმაღლესი საბჭოს ყოფილ დეპუტატთან და “ბათუმის დინამოს” პლაჟის  ფეხბურთის ხელმძღვანელთან კახა მიქელაძესთან მოუვიდა.

ალექსანდრე თევზაძე ჭრილობა იარაღით მიაყენეს. შინაგან საქმეთა სამინისტროში “აჭარის ტელევიზიას” განუცხადეს, რომ ფაქტზე დააკავეს ორი პირი, რომლებსაც სამართალდამცველები 279 მუხლის მე-2 და მე-3 ნაწილით ედავებიან, რაც ჯგუფურად იარაღის გამოყენებით ხულიგნობას გულისხმობს.

დაზარალებული ​ჯერ-ჯერობით კომენტარს არ აკეთებს. ადასტურებს, რომ მას ინციდენტი მოუვიდა, თუმცა კითხვაზე დაჭრა თუ არა ის კახა მიქელაძემ არ პასუხობს. მის სიცოცხლეს საფრთხე არ ემუქრება.

ის, რომ ინციდენტი ფეისბუქ სტატუსიდან დაიწყო, ადასტურებს აჭარის უმაღლესი საბჭოს მოქმედი დეპუტატიც.