წყალტუბოში გზების რეაბილიტაციის სამუშაოები მიმდინარეობს

727

წყალტუბოს მუნიციპალიტეტის გამგეობა საგზაო ინფრასტრუქტურის მოწესრიგებას განაგრძობს. 2017 წლის რეგიონული განვითარების ფონდიდან და ადგილობრივი ბიუჯეტიდან დაფინანსებული უმსხვილესი პროექტების ფარგლებში მიმდინარე გზების რეაბილიტაციის სამუშაოები  იმერეთის მხარის გუბრნატორმა გივი ჭიჭინაძემ ადგილობრივი თვითმმართველობის წარმომადგენლებთან ერთად  დაათვალიერა.

“გზების მოწესრიგება ჩვენი პრიორიტეტია, 542 740 ლარით ფინანსდება სოფელ ქვიტირში გზის რეაბილიტაციის, ხოლო 70 000 ლარით სოფელ სორმონში წმინდა სამების სახელობის მამათა მონასტერთან მისასვლელი გზის ბეტონის საფარით მოწყობის პროექტები’’ – აცხადებს მუნიციპალიტეტის გამგებელი კონსტანტინე მამისეიშვილი, მისივე თქმით, ყველაფერი კეთდება სამუშაოების დროულად და ხარისხიანად შესრულებისათვის.

წყარო: აიპრესი