13 მაისიდან ახალი ავტობუსები N85 და N95 მარშრუტებზე იმოძრავებენ

წინა სტატია

სტატიის გაგრძელება

თბილისის მერიის ინფორმაციით, ახალი, მწვანე ავტობუსები მგზავრებს 13 მაისიდან მოემსახურებიან. პირველ ეტაპზე ისინი N85 და N95 მარშრუტებზე იმოძრავებენ.

კერძოდ, მუხიანის დასახლებიდან ბარათაშვილის ქუჩის მიმართულებით მოძრავ N95 მარშრუტზე 8 ავტობუსი განაწილდება, ხოლო N85 მარშრუტზე, რომელიც ვაკე-საბურთალოს წრიულად ემსახურება, 4 ავტობუსი.

ამასთან, 23 მაისიდან ახალი ავტობუსებით ჩანაცვლდება N50, N55 და N71 მარშრუტებზე მოძრავი, მოძველებული ტრანსპორტიც. N50-ზე – 8, N55-ზე – 10, N71-ზე კი – 9 ავტობუსი იმოძრავებს. სამივე მარშრუტი დედაქალაქის გარეუბნებს ბარათაშვილის ქუჩასთან აკავშირებს: N50 ვაზისუბნიდან, N55 – წმ. ბარბარეს უბნიდან, ხოლო N71 – ვარკეთილიდან მოძრაობს.

აღსანიშნავია, რომ სამივე მარშრუტი მცირედით შეიცვლება: ისინი გორგასლის ქუჩიდან აუხვევენ კოტე აფხაზის (ყოფ. ლესელიძის) ქუჩაზე, გაივლიან თავისუფლების მოედანსა და ბარათაშვილზე “კონკასთან“ გაჩერდებიან. ამასთანავე, აფხაზის ქუჩაზე ავტობუსების გაჩერებები განისაზღვრება.

თბილისისათვის ოთხმოცდაათივე ავტობუსის მიწოდების შემდეგ, “ევრო 6“ სტანდარტის ავტობუსები, ასევე, გადანაწილდებიან N3, N15, N33, N54 და N79 მარშრუტებზე.

N85 მარშრუტი მოძრაობს წრიულად ვაკესა და საბურთალოზე. გაივლის: ჭავჭავაძის გამზირს, თამარაშვილის ქუჩას, ყაზბეგისა და პეკინის გამზირებს, გმირთა მოედანს და ვარაზისხევის ქუჩით კვლავ ჭავჭავაძის გამზირს დაუკავშირდება.

N95 – მოძრაობს მუხიანის მე-3 მიკრორაიონიდან ბარათაშვილის ქუჩამდე. გაივლის: დუმბაძის, ნონეშვილის, გობრონიძის, ისაკიანის, ანაპის 414-ე დივიზიის, ჩარგლისა და გუდამაყრის ქუჩებს, გურამიშვილის გამზირს, ცოტნე დადიანისა და ივანე ჯავახიშვილის ქუჩებს, ზაარბრიუკენის მოედანს, საიდანაც მოძრაობას ბარათაშვილის ქუჩაზე ასრულებს.

N50 – მოძრაობს ვაზისუბნის მე-3 მიკრორაიონიდან ბარათაშვილის ქუჩამდე. გაივლის: პატარიძის, დავითაიას, პეტეფისა და 17 შინდისელი გმირის ქუჩებს, მეტროსადგურ „ვარკეთილს“, ჯავახეთის ქუჩას, მოსკოვისა და ქეთევან დედოფლის გამზირებს, ჰოლბრუკის (ყოფ. ნავთლუღის), გულუასა და გორგასლის ქუჩებს, საიდანაც დაუკავშირდება ლესელიძის ქუჩას, ხოლო შემდგომ – თავისუფლების მოედანს და ბარათაშვილის ქუჩას.

N55 – მოძრაობს წმ. ბარბარეს უბნიდან ბარათაშვილის ქუჩამდე. გაივლის: წმ. ბარბარეს უბანს, გარდაბნის გზატკეცილს, ბოგდან ხმელნიცკის ქუჩას, გაბრიელ სალოსის გამზირს, გულუასა და და გორგასლის ქუჩებს, საიდანაც დაუკავშირდება ლესელიძის ქუჩას, ხოლო შემდგომ თავისუფლების მოედანსა და ბარათაშვილის ქუჩას.

N71 მოძრაობს ვარკეთილის მე-4 მიკრორაიონიდან ბარათაშვილის ქუჩამდე. გაივლის:  თაყაიშვილის ქუჩას, ხომლელის ქუჩას, თრიალეთის ქუჩას, ჯავახეთის ქუჩას, კახეთის გზატკეცილს, საიდანაც მეტროსადგურ „ისანთან“ ჩაუხვევს, შემდგომ გაივლის ჰოლბრუკის (ყოფ. ნავთლუღის), გულუასა და და გორგასლის ქუჩებს, საიდანაც დაუკავშირდება ლესელიძის ქუჩას, აქედან კი თავისუფლების მოედანსა და ბარათაშვილის ქუჩას.

N3 – მოძრაობს მეტროსადგურ „ახმეტელის თეატრიდან“ პაიჭაძის ქუჩამდე.  გაივლის: მეტროსადგურ „ახმეტელის თეატრს“, გობრონიძის, ანაპის 414-ე დივიზიის, შეშელიძის, ბელიაშვილის, ლუბლიანასა და პაიჭაძის ქუჩებს.

N15 – მოძრაობს დიდი დიღმის მე-4 მიკრორაიონიდან სადგურის მოედნამდე.  გაივლის: დემეტრე თავდადებულის, არჩილ მეფის, მეფე მირიანის, პეტრე იბერისა და იოანე პეტრიწის ქუჩებს, ფარნავაზ მეფის გამზირს, ბალანჩინის ქუჩას, აღმაშენებლის ხეივანს, რობაქიძის, წერეთლისა და თამარ მეფის გამზირებს და მოძრაობას სადგურის მოედანზე ასრულებს.

N33 – მოძრაობს გლდანის მე-7 და მე-8 მიკრორაიონებიდან ბარათაშვილის ქუჩამდე. გაივლის: ხიზანიშვილის, ვასაძისა და ქერჩის ქუჩებს, გურამიშვილის გამზირს, ერისთავის ქუჩას, წერეთლის გამზირს, აღმაშენებლის გამზირს, მარჯანიშვილისა და ჯავახიშვილის  ქუჩებს, რუსთაველის გამზირს, თავისუფლების მოედანსა და ბარათაშვილის ქუჩას.

N54 – მოძრაობს დიდი დიღმის მე-4 მიკრორაიონიდან უნივერსიტეტის მაღლივ  კორპუსამდე. გაივლის: დემეტრე თავდადებულის, არჩილ მეფის, მეფე მირიანის, პეტრე იბერისა და იოანე პეტრიწის ქუჩებს, ფარნავაზ მეფის გამზირს, ბალანჩინის, ქუჩას, აღმაშენებლის ხეივანს, მარშალ გელოვანის გამზირს, გაგარინის ქუჩას, ვაჟა-ფშაველას გამზირს, სანდრო ეულის ქუჩას და მოძრაობას უნივერსიტეტის მაღლივ კორპუსთან დაასრულებს.

N79 – მოძრაობს მუხიანის მე-3 მიკრორაიონიდან მეტროსადგურ „ახმეტელის თეატრამდე“. გაივლის: დუმბაძის, ნონეშვილისა და გობრონიძის ქუჩებს და მოძრაობას მეტროსადგურ „ახმეტელის თეატრთან“ ასრულებს.

მსგავსი სიახლეები
წინა სტატია ხვალ კუს ტბის მიმდებარე ფერდობს გაამწვანებენ. ტერიტორიაზე პირველ დღეს 1 000-მდე, ხოლო ერთი
წინა სტატია თბილისის საბავშვო ბაგა-ბაღებს მომავალი კვირიდან საკვები პროდუქტებით კომპანია "მზიური“ მოამარაგებს. აღნიშნული გადაწყვეტილება თბილისის
თბილისის მერს კახა კალაძეს პროგრამის – “შენი იდეა ქალაქის მერს” ფარგლებში, ერთ-ერთი იდეის ავტორი გიორგი
თბილისის მერს კახა კალაძეს პროგრამის - “შენი იდეა ქალაქის მერს” ფარგლებში, ერთ-ერთი იდეის ავტორი გიორგი
თბილისის მერია კომერციული ბანკებიდან სესხის სახით 12 მილიონი ლარის აღებას აპირებს. მისი თქმით, ეს თანხა
წინა სტატია ყავლაშვილის ქუჩაზე, ორსართულიანი სახლის აივნისა და მოაჯირის ჩამოშლის დროს, შენობაში 1 ადამიანი იმყოფებოდა.
ტაქსების შესახებ რეფორმა რომ ჩაშლის პირას არის და შეიძლება არ განხორციელდეს, ამაში დარწმუნებული ვარ, -
წინა სტატია დედაქალაქის მერია 26 მაისს, საქართველოს დამოუკიდებლობის დღის აღსანიშნავად, სხვადასხვა ღონისძიებას გამართავს. რუსთაველის გამზირზე
წინა სტატია სტატიის გაგრძელება საქართველოს დამოუკიდებლობის დღისადმი მიძღვნილი ღონისძიებებისა და მათი მოსამზადებელი სამუშაოებიდან გამომდინარე, 25
სახელმწიფო უსაფრთხოების სამსახურის ანტიკორუფციული სააგენტოს და ქალაქ თბილისის მერიის შიდა აუდიტისა და მონიტორინგის სამსახურის თანამშრომლებმა, 
წინა სტატია თბილისის მერიის ინფორმაციით, ჭავჭავაძის გამზირზე დაგეგმილი მასშტაბური სარეაბილიტაციო სამუშაოების მიმდინარეობის პერიოდში დროებით შეიცვლება
სამგორის რაიონის გამგებელი კახაბერ გულედანი თანამდებობას ტოვებს.  ამის შესახებ ინფორმაციას თბილისის მერიაში ადასტურებენ. გავრცელებულ ინფორმაციით,
წინა სტატია სტატიის გაგრძელება თბილისის მერმა კახა კალაძემ დედაქალაქის მთავრობის სხდომაზე განაცხადა, რომ ჭავჭავაძის გამზირის
წინა სტატია სტატიის გაგრძელება თბილისის მერმა კახა კალაძემ დედაქალაქის მთავრობის სხდომაზე, განაცხადა, რომ კომპანია, რომელიც
თბილისის მერმა კახა კალაძემ დედაქალაქის მთავრობის სხდომაზე განაცხადა, რომ თბილისის ისტორიულ ნაწილში სამშენებლო მიმართულებით რეგულაციები შემოდის. 
%d bloggers like this: