ფოთში მდინარე რიონის მთავარი არხის კალაპოტს ნატანი გრუნტისგან, დალექილი უბნებისა და მცენარეებისაგან გაწმენდენ და რკინაბეტონის ჯებირებს გაამაგრებენ. გაწმენდითი სამუშაოებისთვის შპს “საქართველოს მელიორაციამ“ პროექტის მომზადება უკვე დაიწყო.
ქალაქ ფოთის მუნიციპალიტეტის მერის პირველმა მოადგილემ კონსტანტინე თოფურიამ კი საპროექტო წინადადებები და ტექნიკური დავალებები შპს “საქართველოს მელიორაციის“ პროექტების დაგეგმვის სამსახურის მთავარ ჰიდროტექნიკოსთან ალექსანდრე ლომიშვილთან ერთად განიხილა.
