გურჯაანის სოფელ კოლაგში საბრძოლო კოშკის რეაბილიტაცია იგეგმება

1078
გურჯაანის სოფელი კოლაგი

გურჯაანის მუნიციპალიტეტის სოფელ კოლაგში საბრძოლო კოშკის რეაბილიტაცია იგეგმება.  ინფორმაციას სპექტრი ავრცელებს.

როგორც გურჯაანის მუნიციპალიტეტის მერიის ინფრასტრუქტურის, სივრცითი მოწყობის, არქიტექტურისა და ძეგლთა დაცვის სამსახურის უფროსმა სპეციალისტმა თამაზ მარკოზაშვილმა განაცხადა, კოშკი მე-17- მე-18 საუკუნეებშია აშენებული.

“კოლაგში სოფლის დასავლეთით მთვარანგელოზის ეკლესიიდან 200 კილომეტრის დაშორებით მდებარეობს საბრძოლო კოშკი. ეს არის საკმაოდ დიდი ზომის, ოთხსართულიანი ნაგებობა. მარტო ფუძის შემოწერილობა 25 მეტრია. კოშკი კომუნისტების დროს დაანგრიეს და საშენ მასალად გამოიყენეს. არქიტექტორის ნოდარ მინდორაშვილის ინიციატივით, გაკეთდა პროექტი, სადაც პირვანდელი სახით უნდა მოხდეს მისი აღდგენა. ნებართვა გაცემულია და სამუშაოები, დაახლოებით, მაისის ბოლოს დაიწყება. ორი წლის ვადაში უნდა მოხდეს მის აღდგენა. კოშკის ნაწილი გამოიყენებოდა საცხოვრებლად, ნაწილი -საბრძოლოა. პარალელურად, გათვალისწინებულია არქეოლოგიური კვლევების ჩატარება. მოხდება დარჩენილი ნახევრის გამაგრება და კონსერვაცია“, – განმარტავს მარკოზაშვილი.

მისივე თქმით, კოშკს ფონდი “ქართუს” დაფინანსებით აღადგენენ.