გამოკითხულთა, დაახლოებით, მეოთხედი ფიქრობს, რომ 2017 წელს არჩეული მერები და საკრებულოები მოქალაქეების ინტერესებს არ გამოხატავენ

გამოკითხული მოქალაქეების, დაახლოებით, მეოთხედი ფიქრობს, რომ 2017 წელს არჩეული მერები და საკრებულოები მოქალაქეების ინტერესებს არ გამოხატავენ, – ნათქვამია ამის შესახებ “საერთაშორისო გამჭირვალობა – საქართველოს” დაკვეთით ჩატარებულ გამოკითხვაში.

არასმთავრობო ორგანიზაციის დაკვეთით 2 087 რესპოდენტის გამოკითხვა, “კავკასიის კვლევითი რესურსების ცენტრმა” 2019 წლის 20 თებერვლიდან 5 მარტის ჩათვლით ჩაატარა და მისი ცდომილება 2.3%-ს შეადგენს.

რესპონდენტების მხოლოდ 33% მიიჩნევს, რომ მერი საქმიანობის დროს მოქალაქეთა ინტერესებს ეყრდნობა, საპირისპირო მოსაზრება აქვს გამოკითხულთა 25%-ს.

საკრებულოების შემთხვევაში რესპონდენტების აზრი თანაბრად გაიყო – 27%-მა გამოავლინა როგორც დადებითი, ისე უარყოფითი დამოკიდებულება წარმომადგენლობითი ორგანოების მუშაობასთან დაკავშირებით.

 

“აღსანიშნავია, რომ წინა წელს ჩატარებული ანალოგიური გამოკითხვით, ადგილობრივ თვითმმართველობებს გაცილებით არასასურველი შედეგები ჰქონდათ – 2018 წელს, მერების შემთხვევაში, გამოკითხულთა მხოლოდ 26%, საკრებულეობის შემთხვევაში კი 22% ფიქრობდა, რომ მუნიციპალიტეტების აღმასრულებელი და წარმომადგენლობითი ორგანოები მოქალაქეთა ინტერესებს გამოხატავდნენ. 2019 წლის გამოკითხვის შედეგებით, მერებთან დაკავშირებით ანალოგიურ კითხვაზე დადებითი პასუხები 7 პროცენტული პუნქტით,  საკრებულოებთან კი 5 პროცენტული პუნქტით გაიზარდა.

კომუნალური სერვისების მიწოდების თვალსაზრისით, გამოკითხულთა ყველაზე დიდ უკმაყოფილებას ქუჩების კეთილმოწყობის, პარკების, სკვერებისა და ზოგადად, გამწვანებისა და მიუსაფარი ცხოველების მოუგვარებელი პრობლემები იწვევს. ამასთან, შემცირებულია საზოგადოებრივი ტრანსპორტის მუშაობის დადებითად შეფასების მაჩვენებელი: 2018 წელს გამოკითხულთა 41% კმაყოფილი იყო მუნიციპალური ტრანსპორტით, 2019 წელს კი იმავე კითხვაზე ანალოგიურად მხოლოდ 37%-მა უპასუხა.

წინა წლის მონაცემებთან შედარებით, გაზრდილია იმ მოქალაქეთა რაოდენობა, რომლებიც კმაყოფილები არიან წყალმომარაგებისა და საყოფაცხოვრებო ნარჩენების გატანის მომსახურებებით მუნიციპალიტეტებში. მოსახლეობის კმაყოფილებას ყველაზე მეტად ელექტროენერგიისა და გაზმომარაგების სისტემების მუშაობა იწვევს.​​​​​​”, – ნათქვამია საერთაშორისო გამჭირვალობა – საქართველოს” მიერ გავრცელებულ ინფორმაციაში.

მსგავსი სიახლეები
სამეგრელო-ზემო სვანეთის მუნიციპალიტეტებმა 2017 წლის იანვრიდან 2019 წლის თებერვლის ჩათვლით, რელიგიური ორგანიზაციების დაფინანსებისათვის ჯამში 1
სტატია მომზადებულია "ლაივპრესის" მიერ კოალიცია "ადგილობრივი თვითმმართველობისა და დემოკრატიისთვის“ ზუგდიდის მაჟორიტარ დეპუტატ მერაბ ქვარაიას შეახსენებს,
სტატია მომზადებულია რადიო "ათინათის" მიერ "საერთაშორისო გამჭვირვალობა - საქართველოს“ კვლევაში აღნიშნულია, რომ მუნიციპალიტეტების ტერიტორიაზე სახელმწიფო
კვლევის ავტორი: "საერთაშორისო გამჭვირვალობა - საქართველომ" კანონმდებლობის მოთხოვნისა და ხელისუფლების უმაღლესი თანამდებობის პირების საჯარო განცხადებების მიუხედავად,
ზუგდიდის მუნიციპალიტეტი დელეგირებული უფლებამოსილებების განხორცილებისათვის თანხებს საკუთარი შემოსავლებიდან ხარჯავს, - ამის შესახებ ნათქვამია "საერთაშორისო გამჭვირვალობა
"საერთაშორისო გამჭვირვალობა - საქართველომ“ საბიუჯეტო ხარჯების და სახელმწიფო შესყიდვების მონიტორინგის ფარგლებში საქართველოს 5 თვითმმართველი ქალაქის
წინა სტატია "ზუგდიდის მუნიციპალური ტრანსპორტის“ ხელმძღვანელი ამბობს, რომ პირადად მას "საერთაშორისო გამჭვირვალობა – საქართველოს“ მიერ ნახსენებ კომპანიებთან,
სტატიის გაგრძელება "ზუგდიდის მუნიციპალური ტრანსპორტის” დირექტორის, ბადრი ნემსაძისა და მისი მეუღლის, ეკატერინე ქებურიას წილობრივ მფლობელობაში
სტატია მომზადებულია "აიფაქტის" მიერ ავტორი: ია ასათიანი თეთრი ხიდის ამბავს ყველა გაიგებდით. ის ხიდია, ქუთაისში, ხშირად
"საერთაშორისო გამჭვირვალობა-საქართველომ” თანამდებობის პირთა 20-ზე მეტი ქონებრივი დეკლარაცია შეისწავლა. შედეგად, დეკლარაციების არასრულად შევსების 7 ფაქტი,
რა ხარვეზები აქვთ აჭარის მუნიციპალიტეტების ვებგვერდებს? - "საერთაშორისო გამჭვირვალობა - საქართველომ" ვებგვერდები შეისწავლა და ხარვეზები
წინა სტატია ზუგდიდის საკრებულოში ა(ა)იპ-ების საქმიანობის შემსწავლელი სამუშაო ჯგუფი შეიკრიბა. კომისიის წევრების გადაწყვეტილებით, მათ უნდა
წინა სტატია იმერეთის სამხარეო ადმინისტრაციაში აცხადებენ, რომ კომპანია, რომელიც მხარის სახელმწიფო რწმუნებულმა შავლეგო ტაბატაძემ დეკლარაციაში
სტატიის გაგრძელება იმერეთის მხარის რწმუნებული შავლეგო ტაბატაძე ქონებრივი დეკლარაციის არასრულად შევსების გამო, შესაძლოა, დააჯარიმონ. ინფორმაციას
წინა სტატია სტატიის გაგრძელება მერიის ა(ა)იპ-ებიდან შემცირებული თანამშრომლების უმეტესობას ახალი წლიდან ხელშეკრულება არ გაუგრძელდა. ა(ა)იპ "ზუგდიდდასუფთავების
%d bloggers like this: