გორის მუნიციპალიტეტის სოფლებში საბავშვო ბაღების რეაბილიტაციისთვის გორის მერიამ ტენდერი გამოაცხადა. ინფორმაციას რადიო მოზაიკა ავრცელებს.
სარეაბილიტაციო სამუშაოები, სავარაუდოდ, მომავალი თვიდან დაიწყება.
სატენდერო წიმნადადებების მიღების ვადა 2 აპრილს იწურება. გორის მუნიციპალიტეტის მერიას 18 საბავშვო ბაღის შენობის სარეაბილიტაციო სამუშაოებისთვის 35 285 ლარი აქვს გათვალისწინებული. სამუშაოები ხელშეკრულების გაფორმებიდან 2 თვის ვადაში უნდა დასრულდეს.
ბაღები, რომელთა რეაბილიტაციაც იგეგმება: შავშვების N2 საბავშვო ბაღი; ხიდისთავის საბავშვო ბაღი; ახალუბანის საბავშვო ბაღი; ახალდაბას საბავშვო ბაღი; ქიწნისის საბავშვო ბაღი; ძევერას საბავშვო ბაღი; კარალეთის N1 საბავშვო ბაღი; კარბის საბავშვო ბაღი; სვენეთის საბავშვო ბაღი; სკრის საბავშვო ბაღი; სათემოს საბავშვო ბაღი; ხელთუბნის საბავშვო ბაღი; შერთულის საბავშვო ბაღი; დიცის საბავშვო ბაღი; ზეღდულეთის საბავშვო ბაღი; შავშვების საბავშვო ბაღი; ფლავის საბავშვო ბაღი; ატენის საბავშვო ბაღი.
