ბელარუსის რესპუბლიკის მინსკის ოლქის მიადელის რაიონსა და დედოფლისწყაროს მუნიციპალიტეტს შორის ურთიერთთანამშრომლობის მემორანდუმი გაფორმდა.
როგორც მერიაში განმარტავენ, მათი მხრიდან ხელშეკრულებას ხელი მერის მოადგილემ მალხაზ მერაბიშვილმა მოაწერა.
მათივე ინფორმაციით, შეთანხმება სავაჭრო-ეკონომიკურ, სამეცნიერო-ტექნიკურ და კულტურულ ურთიერთობას ისახავს მიზნად. მემორანდუმის საფუძველზე, მხარეები გეგმავენ ეფექტურად გამოიყენონ ორივე მხარის პოტენციალი და აღიარონ საერთაშორისო კავშირების განმტკიცების აუცილებლობა.
ურთიერთთანამშრომლობის ხელშეკრულების მოქმედების ვადა 5 წელია.
