რამოდენიმე დღეში წესი-ურავის საავტომობილო გზის 14.2 კმ მონაკვეთის სარეაბილიტაციო სამუშაოები დაიწყება, რომელზეც 23 მილიონ ლარზე მეტი დაიხარჯება, – განაცხადა რაჭა-ლეჩხუმისა და ქვემო სვანეთის სახელმწიფო რწმუნებულმა არჩილ ჯაფარიძემ.
მისი ინფორმაციით, ამჟამად, მხოლოდ რეგფონდიდან რეგიონში 9 941 311 ლარის ღირებულების 13 საინვესტიციო პროექტია დაფინანსებული. 2019 წელს კი, ამბროლაურში დამატებით 1 590 000, ლენტეხში 1 925 000, ცაგერში 1 150 000, ხოლო ონში 2.7 მილიონი ლარის ღირებულების სამუშაოები იგეგმება.
ასევე, ცნობილია, რამდენი ლარის ღირებულების ინფრასტრუქტურული პროექტები დაფინანსდა რეგფონდიდან ამბროლაურის, ლენტეხის, ონისა და ცაგერის მუნიციპალიტეტებში.
ჯაფარიძის თქმით, 2017-2018 წლებში საავტომობილო გზების დეპარტამენტმა რეგიონში ასფალტის საფარი 79კმ-ზე დააგო და ამ მიმართულებით საერთო ჯამში 55 527 286 ლარი დაიხარჯა.
