ჩუღურეთის რაიონში, ბინათმესაკუთრეთა ამხანაგობის ხელშეწყობის პროგრამის ფარგლებში, სამ მისამართზე სადარბაზოების სარემონტო სამუშაოები მიმდინარეობს.
გამგეობის ინფორმაციით, სარემონტო სამუშაოები წინამძღვრიშვილის N 73/22, მარჯანიშვილის N 4 და ტოვსტონოგოვის N11-ში მიმდინარეობს.
ჩუღურეთის რაიონის გამგეობის დაკვეთით, სამუშაოებს შპს “დგარი“ აწარმოებს, პროექტის ღირებულება კი 55 351 ლარს შეადგენს.
სამუშაოებს ჩუღურეთის რაიონის გამგებელი ზურაბ ჩიკვილაძე გაეცნო და ადგილობრივ მოსახლეობას შეხვდა.
