როგორ დაკომპლექტდება და რას გააკეთებს დეცენტრალიზაციის სტრატეგიის პროექტის განმხილველი საპარლამენტო სამუშაო ჯგუფი?

დეცენტრალიზაციის სტრატეგიის პროექტის განმხილველი საპარლამენტო სამუშაო ჯგუფი 26 მარტს პირველ შეხვედრას გამართავს. ამის შესახებ რეგიონული პოლიტიკისა და თვითმმართველობის კომიტეტის თავმჯდომარემ, ზაზა გაბუნიამ კომიტეტთან არსებულ სამეცნიერო-საკონსულტაციო საბჭოს სხდომაზე განაცხადა.

პარლამენტის ბიურომ სამუშაო ჯგუფის შექმნის გადაწყვეტილება 11 მარტს მიიღო. როგორც ბიუროს მიერ მიღებული დოკუმენტიდან ირკვევა, ჯგუფში, გარდა რეგიონული პოლიტიკისა და თვითმმართველობის კომიტეტის თავმჯდომარის, მისი მოადგილისა და წევრებისა, ასევე, შევლენ პარლამენტის სხვა კომიტეტების თავმჯდომარეები, პარლამენტში არსებული ფრაქციების თითო წარმომადგენელი, აგრეთვე, ის დეპუტატები, რომლებიც არცერთი ფრაქციის წევრები არ არიან და პარლამენტის თავმჯდომარის კაბინეტის 2 წარმომადგენელი.

გადაწყვეტილების თანახმად, სამუშაო ჯგუფი დეცენტრალიზაციის სტრატეგიის პროექტთან დაკავშირებით შეიმუშავებს წინადადებებსა და რეკომენდაციებს, რომელსაც საქართველოს მთავრობას, პროექტის პლენარულ სხდომაზე განხილვამდე, წარუდგენს.

სამუშაო ჯგუფის საქმიანობაში, სავარაუდოდ, ჩაერთვებიან ექსპერტები და არასამთავრობო ორგანიზაციების წარმომადგენლები, მათ შორის, კომიტეტთან არსებული სამეცნიერო-საკონსულტაციო საბჭოს წევრები, თუმცა, როგორც ზაზა გაბუნიამ განმარტა, მათ მხოლოდ მოსაზრებების დაფიქსირების შესაძლებლობა ექნებათ, საბოლოო გადაწყვეტილებას დეცენტრალიზაციის სტრატეგიის პროექტთან დაკავშირებით კი მხოლოდ სამუშაო ჯგუფში შემავალი დეპუტატები მიიღებენ.

“საპარლამენტო ჯგუფი შედგება საპარლამენტო სუბიექტებისგან, თუმცა, მიმაჩნია, რომ ამ პროცესში კარი ფართოდ უნდა გავაღოთ საზოგადოებისთვის და უპირველესად, საბჭოს წევრებისთვის. ნებისმიერ რეფორმას სჭირდება საჯაროობა, გამჭვირვალობა, ღიაობა. ვფიქრობ, სასარგებლო იქნება საკონსულტაციო საბჭოს წევრები წარმოდგენილი იყვნენ ამ პროცესის დაწყებიდან დასრულებამდე, როგორც ამ სტრატეგიის განხილვისას პროცესის დამკვირვებლები”, – განაცხადა სამეცნიერო-საკონსულტაციო საბჭოს წევრებთან შეხვედრისას ზაზა გაბუნიამ.

ბიუროს გადაწყვეტილებითვე, საჭიროების შემთხვევაში, სამუშაო ჯგუფის თავმჯდომარე უზრუნველყოფს ჯგუფის მუშაობაში მთავრობის წევრების მონაწილეობასაც. თუ სტრატეგიის არსებულ პროექტს გადავხედავთ, სავარაუდოდ, ამის საჭიროება არაერთხელ დადგება, ვინაიდან ჯერ კიდევ გადასაწყვეტია ისეთი მნიშვნელოვანი და საკვანძო საკითხი, როგორიც ადგილობრივი თვითმმართველობებისთვის მათ ტერიტორიაზე არსებული სახელმწიფო საკუთრებაში მყოფი ქონების გადაცემაა. ამ საკითხზე მთავრობას მკაფიო პოზიცია ამ დრომდე არ მიუღია.

რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნია ვარაუდობს, რომ სამუშაო ჯგუფი განხილვებს შემჭიდროვებულ ვადებში დაასრულებს და რეკომენდაციებს მთავრობას გაზაფხულის ბოლომდე გადაუგზავნის. ინფრასტრუქტურის სამინისტრო კი პირობას დებს, რომ სტრატეგიას მთავრობა წლის პირველ ნახევარში დაამტკიცებს.

მსგავსი სიახლეები
საზოგადოებრივი მაუწყებელი https://www.youtube.com/watch?v=X6nvhsAPYYg&feature=youtu.be
სტატიის გაგრძელება პრემიერმინისტრის მამუკა ბახტაძის განცხადებით, საქართველოს მთავრობა პარლამენტს საკანონმდებლო ინიციატივით მიმართავს, 12 მაისი ყოვლადწმინდა
ტელეკომპანია "მაესტრო" ტელეკომპანია "მაესტროს" ეთერში კოალიციის "ადგილობრივი თვითმმართველობისა და დემოკრატიისათვის" წევრმა, კოკა კიღურაძემ დეცენტრალიზაციის სტრატეგიის
საქართველოს პარლამენტმა ახალი საზედამხედველო მექანიზმი - თემატური მოკვლევა აამოქმედა. "თემატური მოკვლევების მეშვეობით საქართველოს პარლამენტი საზოგადოებასთან
წინა სტატია საქართველოს პარლამენტის რეგიონული პოლიტიკისა და თვითმმართველობის კომიტეტმა საქართველოს მთავრობის მიერ საკანონმდებლო ინიციატივის წესით
საქართველოს პარლამენტის რეგიონული პოლიტიკისა და თვითმმართველობის კომიტეტმა „სასოფლო-სამეურნეო დანიშნულების მიწის საკუთრების შესახებ“ საქართველოს ორგანული კანონის პროექტს პირველი
საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარეს, ზაზა გაბუნიას თვითმმართველობის აკადემიის შექმნის იდეა აქვს.
სტატიის გაგრძელება თბილისის მერმა კახა კალაძემ დედაქალაქის მთავობის სხდომაზე განაცხადა, რომ პარლამენტის წევრი ბექა ოდიშარია
პარლამენტში, რეგიონული პოლიტიკისა და თვითმმართველობის კომიტეტის მოთხოვნით, დეცენტრალიზაციის საკითხებზე მომუშავე სამუშაო ჯგუფი შეიქმნება. ამის შესახებ
წინა სტატია ახალი ტყის კოდექს“ ხე-ტყის გრძელვადიან ლიცენზირებას საერთოდ აღარ მოიაზრებს. ლიცენზიების გაცემა ტყის მდგრადი
ადამიანის უფლებათა დაცვის კომიტეტის თავმჯდომარემ სოფო კილაძემ გაერთიანებული კომიტეტების სხდომაზე, სადაც "ბავშვის უფლებათა კოდექსს“ განიხილავენ, განაცხადა, რომ ბავშვთა
უცხოელს და საქართველოში რეგისტრირებულ კერძო სამართლის იურიდიულ პირს, რომლის დომინანტი პარტნიორი უცხოელი ან საზღვარგარეთ რეგისტრირებული
თბილისში ატმოსფერული ჰაერის მდგომარეობის შესახებ თემატური მოკვლევის ფარგლებში, საჯარო უწყებების ზეპირი მოსმენის მესამე დღე თბილისის
წინა სტატია საქართველოს პარლამენტი ახალ ტყის კოდექსს მიიღებს. მთავრობამ კანონმდებლებს “საქართველოს ტყის კოდექსის“ პროექტი უკვე
%d bloggers like this: