თბილისში პარკირებაზე ყველაზე მაღალი საფასური, შესაძლოა, საათში 2 ლარი იყოს

წინა სტატია

თბილისში პარკირების საფასური A, B და C ზონების მიხედვით, განსხვავებული იქნება. საათობრივ პარკირებაზე ყველაზე დაბალი საფასური A კატეგორიის ადგილებზე, ყველაზე მაღალი კი – C ზონაში შესულ ქუჩებზე დაწესდება. ინფორმაციას ინტერპრესნიუსი ავრცელებს.

როგორც “საქართველოს ალიანსი უსაფრთხო გზებისთვის“ გამგეობის თავმჯდომარე ეკა ლალიაშვილმა განუცხადა, მათი რეკომენდაციაა, რომ A კატეგორიის ქუჩაზე პარკირების საათობრივი საფასური 1 ლარი, B კატეგორიის ქუჩებზე – 1,50 ლარი, ხოლო C კატეგორიის ქუჩებზე – 2 ლარი იყოს.

“თბილისში ამ ეტაპზე იქნება A, B და C კატეგორიის ქუჩები. A კატეგორიის ქუჩები შესაძლებელია იყოს გარეუბნებში და ისეთ ადგილებში, სადაც პარკინგზე მოთხოვნა ნაკლებია, B კატეგორიის იქნება საშუალოდ მოთხოვნადი ქუჩები, ხოლო C კატეგორიაში შევა ქუჩები, სადაც პარკინგზე მაღალი მოთხოვნაა. კატეგორიების მინიჭება ჯერ დადგენილი არ არის, თუ რომელი უბანი რომელ კატეგორიაში შევა. საუბარი ფასზე ჯერ იდეების დონეზეა, გავიარეთ კონსულტაციები და ვფიქრობთ, რომ საათში მინიმუმ 1 ლარი უნდა იყოს A კატეგორია, B – 1,50 ლარი, ხოლო C – 2 ლარი. ზონალური პარკირების იდეაა კონკრეტულ ადგილებზე მანქანების რაოდენობა შეიზღუდოს, მაგრამ ამასთანავე ფასიც არ უნდა იყოს ისეთი, რომ მოსახლეობამ მისი გადახდა ვერ შეძლოს. როგორც იცით, საპილოტე პროექტის ფარგლებში ზონალურ-საათობრივი პარკირება 1-ელი ივლისიდან კოტე აფხაზისა (ლესელიძის) და მიმდებარე ქუჩებზე ამოქმედდება, თუმცა, რამდენი საპარკინგე ადგილი გამოიყოფა ამ ქუჩებზე, ჯერჯერობით არ ვიცით. ეს დამოკიდებულია ადგილობრივი მაცხოვრებლების რაოდენობაზე, რამდენი ადგილი შეიძლება დაიკავონ მათ. ასევე, ამ ქუჩებზე განთავსდება სწრაფი გადახდის აპარატები. რაც შეეხება პარკირების მეორე ეტაპს, სავარაუდოდ, 2020 წლის მეორე ნახევრიდან დაიწყება“, – განაცხადა ლალიაშვილმა.

მისივე ინფორმაციით, დედაქალაქის საკრებულოში გამართულ შეხვედრაზე დაისვა საკითხი, რომ საზოგადოებრივი ტრანსპორტის განვითარება გარეუბნებიდან დაიწყოს და ზონალურ-საათობრივი პარკირება ამის შემდეგ თბილისის სხვა უბნებზე გავრცელდეს. ლალიაშვილის თქმით, გარეუბნებიდან თბილისის ცენტრში ეს ავტომანქანების გადინებას შეამცირებს. თუმცა, როგორც ის ამბობს, საზოგადოებრივი ტრანსპორტის განვითარების გარეშე მოსახლეობაში აგრესიას გამოიწვევს.

თბილისის საკრებულოში ზონალური პარკირების თემაზე არასამთავრობო სექტორის წარმომადგენლებთან შეხვედრა გაიმართა. სატრანსპორტო საკითხთა კომისიის თავმჯდომარის, თედო ისაკაძის განცხადებით, დედაქალაქის ქუჩები დაიყოფა A,B,C კატეგორიებად და უნდა განისაზღვროს მინიმალური და მაქსიმალური ტარიფები ზონების მიხედვით. ყველაზე მაღალი ფასი C კატეგორიის ქუჩებზე იქნება დაწესებული.

“ინტერპრესნიუსის“ ინფორმაციით, ზონალურ-საათობრივი პარკირების საკითხზე მორიგი შეხვედრა თბილისის საკრებულოში მომდევნო კვირასაც გაიმართება.

შეგახსენებთ, რომ დედაქალაქში პარკირებაზე საათობრივი გადასახადი, თავდაპირველად კოტე აფხაზისა (ლესელიძის) და მის მიმდებარე ქუჩებზე 1-ელი ივლისიდან დაწესდება. ამასთან, კოტე აფხაზის ქუჩაზე ტაქსებისთვის უფასო საპარკინგე ადგილები განისაზღვრება.

თბილისის ვიცემერის ირაკლი ხმალაძის ინიციატივით, პარკირების ზონალური საფასური, სავარაუდოდ, 50 თეთრიდან განისაზღვრება.

ამასთან, თბილისის მერის კახა კალაძის თქმით, მძღოლებს ავტომანქანის უფასოდ პარკირება დღეში 4-ჯერ, 15-15 წუთით შეეძლებათ.

პარკირების საათობრვ გადასახადს ელექტრომობილების მფლობელები და შშმ პირები არ გადაიხდიან. ხოლო, სამუშაო ოფისებთან მანქანების გაჩერებაზე პარკირების საფასური საათობრივად განისაზღვრება.

“პარკირებაზე გადახდის საათობრივი სისტემის შემოღების მიზანი არის არა ის, რომ პარკინგის სისტემა კომფორტული გახდეს, მისი მიზანია, რომ გაიძულოთ გადახვიდეთ საზოგადოებრივ ტრანსპორტზე”, – ამბობს თბილისის ვიცემერი.

ის პირები კი, რომლებსაც პარკირების გადასახადი წლის ბოლომდე გადახდილი აქვთ, ზონალური პარკირების ადგილებში დამატებით საფასურს მაინც გადაიხდიან.

ასევე, ცნობილია, რომ საკრებულოს ოპოზიციონერი დეპუტატები ზონალური საპარკინგე სივრცეების შემოღებას მხარს არ დაუჭერენ.

მსგავსი სიახლეები
დედაქალაქის მერიამ იუსტიციის სახლს ტაქსით მომსახურების გაწევაზე ნებართვის გაცემის ორგანიზებისთვის 150 000 ლარი გადაუხადა. ინფორმაციას
ნასამართლევ პირებს შესაძლოა, ტაქსის მძღოლობა აეკრძალოთ. ასეთი ინიციატივით გამოდის „საქართველოს ალიანსი უსაფრთხო გზებისთვის“ გამგეობის თავმჯდომარე
სატრანსპორტო სფეროს სპეციალისტებს თბილისის მერიის სატრანსპორტო პოლიტიკასთან დაკავშირებით შენიშვნები აქვთ. ინფორმაციას Bm.ge ავრცელებს. როგორც „ტრანსპორტისა
"საქართველოს ალიანსი უსაფრთხო გზებისთვის" გამგეობის თავმჯდომარე ეკა ლალიაშვილი გზებზე „შავი მონაკვეთებისა“ და წერტილების იდენტიფიცირების აუცილებლობაზე
"საერთაშორისო დღე ავტომობილის გარეშე'' - ამ ღონისძიების ფარგლებში პეკინის ქუჩაზე დაგეგმილ ველორბოლაში გაერო-ს წარმომადგენლობის ხელმძღვანელმა
პეკინის ქუჩაზე დღეს, “საქართველოს ალიანსი უსაფრთხო გზებისთვის” პარტნიორ ორგანიზაციებთან ერთად, ველორბოლას მართავს. ღონისძიების ორგანიზატორების ინფორმაციით,
წინა სტატია თბილისის მერი კახა კალაძე ზონალურ პარკირებასთან დაკავშირებით საზოგადოებაში გაჩენილ კითხვებს სოციალური ქსელის საშუალებით
ის პირები, რომლებსაც პარკირების გადასახადი წლის ბოლომდე გადახდილი აქვთ, ზონალური პარკირების ადგილებში დამატებით საფასურს მაინც
წინა სტატია თბილისის საკრებულოს ფრაქცია "ნაციონალური მოძრაობის“ წევრის ლევან ხაბეიშვილის განცხადებით, დედაქალაქის მერმა კახა კალაძემ პარკირებასთან დაკავშირებით
წინა სტატია საცხოვრებელთან უფასო პარკირებისთვის მეპატრონის მიერ სისტემაში ავტომანქანის სახელმწიფო ნომრის მითითება იქნება აუცილებელი, -
წინა სტატია სტატიის გაგრძელება პარკირების საფასურის აზრი ის არის, რომ შემცირდეს მანქანების მოხმარება, - განაცხადა
წინა სტატია სტატიის გაგრძელება თბილისის მერმა კახა კალაძემ დედაქალაქის მთავრობის სხდომაზე განაცხადა, რომ პარკირების საათობრივი საფასური
სტატიის გაგრძელება თბილისის მერმა კახა კალაძემ დედაქალაქის მთავრობის სხდომაზე განაცხადა, რომ თბილისში პარკინზე საათობრივი გადასახადი, თავდაპირველად
წინა სტატია დროებითი კომისიის მიერ შეთავაზებული პარკირების ფასები "თაუნ პარკისთვის“ მისაღებია. კომპანიის მენეჯერის ბაჩუკი ყურაშვილის
%d bloggers like this: