ფრაქცია “ევროპული საქართველოს” წევრი სერგო რატიანი მიიჩნევს, რომ ის თვითმმართველობის რეფორმას იმ სახით, რა სახითაც განხორციელდა, არც 2014 წელს ეთანხმებოდა და არც ახლა ეთანხმება. ის ფიქრობს, რომ თვითმმართველი ქალაქები არ უნდა შექმნილიყო, თუმცა, თუ შეიქმნა, აღარ უნდა გაუქმდეს და მის გაძლიერებაზე უნდა იზრუნონ. “თუ ზუგდიდი, ახალციხე და სხვები უფრო მსხვილი გაერთიანებები ხდება, მაშინ თვითმმართველის სტატუსს რატომ ართმევთ?” – კითხულობს რატიანი.
