სახალხო დამცველის მიერ მომზადებული ანგარიში სუფთა ჰაერის უფლების მნიშვნელობას, მისი სრულფასოვნად რეალიზების კუთხით ქვეყანაში არსებულ გამოწვევებს და მათი გადაჭრის გზებს ასახავს.
“დედაქალაქში ეტაპობრივად ხდება მუნიციპალური ტრანსპორტის ახლით ჩანაცვლება, თუმცა, აღსანიშნავია, რომ ავტობუსები მოიხმარს დიზელის საწვავს, რომლის ხარისხიც საქართველოში არ შეესაბამება ევროკავშირის სტანდარტს”, – ნათქვამია ანგარიშში.
სახალხო დამცველის ანგარიშის მიხედვით, მუნიციპალური ტრანსპორტი ტექნიკური გამართულობის მიუხედავად, დაბინძურების საფრთხეს ქმნის.
