მცხეთაში ახალი თანამედროვე სტანდარტების მქონე კულტურის ცენტრი გაიხსნა. ცენტრის გახსნის ცერემონიას საქართველოს პრემიერ-მინისტრი გიორგი კვირიკაშვილი კულტურის მინისტრ მიხეილ გიორგიძესთან და მთავრობის სხვა წარმომადგენლებთან ერთად ესწრებოდა. აღსანიშნავია, რომ კულტურის ცენტრს 450-კაციანი საკონცერტო დარბაზი აქვს, რომელიც აღჭურვილია თანამედროვე სტანდარტებით, უმაღლესი კლასის ვიდეო-აუდიო გახმოვანებითა და განათების სისტემებით.
როგორც კულტურის სახლში აცხადებენ, შენობაში განთავსებულია სარეპეტიციო დარბაზები, საგრიმიოროები, ხმის ჩამწერი სტუდია, საოპერატოროები, სარეჟისორო და ა. შ.
მცხეთაში მყოფმა პრემიერ-მინისტრმა ასევე დაათვალიერა სპორტულ-გამაჯანსაღებელი კომპლექსის სამშენებლო სამუშაოები.
აღსანიშნავია, რომ პროექტი მოიცავს ორ საცურაო აუზს, დახურულ მრავალფუნქციურ დარბაზს, ასევე გათვალისწინებულია საუნა და სატრენაჟორო სივრცეები.
მცხეთის სპორტულ-გამაჯანსაღებელი კომპლექსის მშენებლობა 2017 წლის ბოლოს დასრულდება.
წყარო: ინტერპრესნიუსი
