აუდიტის სამსახური: საგარეჯოს მუნიციპალიტეტს მიწის მოიჯარეები ფულს არ უხდიან

სახელმწიფო აუდიტის სამსახური საგარეჯოს მუნიციპალიტეტის შესაბამისობის აუდიტის ანგარიშს აქვეყნებს, რომელიც 2016-2017 წლების ბიუჯეტით გათვალისწინებულ პროგრამებს ეხება. ინფორმაციას BM.GE ავრცელებს.

ანგარიშის მიხედვით, საგარეჯოს მუნიციპალიტეტს მიწის მოიჯარეები ფულს ძირითად შემთხვევაში არ უხდიან.

დასკვნაში ნათქვამია, რომ მუნიციპალიტეტს იჯარით გაცემული აქვს სასოფლო-სამეურნეო დანიშნულების მიწის 42 ნაკვეთი (საძოვარი), რომელთა ღირებულება არაგონივრულად დაბალია საბაზროსთან შედარებით. აგრეთვე ხანგრძლივი პერიოდის განმავლობაში მიუღებელია საიჯარო გადასახადები. შედეგად, მუნიციპალიტეტის მიერ ქონების განკარგვა ხორციელდება არაპროდუქტიულად.

დასკვნის მიხედვით, 2018 წლის პირველი იანვრის მდგომარეობით, საგარეჯოს მუნიციპალიტეტის მიერ იჯარით გაცემული იყო 56 ობიექტი, მათ შორის 51 − 2009-2013 წლებში გაცემული სასოფლო-სამეურნეო დანიშნულების მიწის ნაკვეთებია (საძოვარი), საერთო ფართობით −4,733.1 ჰა. იჯარით გაცემული საძოვრების უმეტესობის (42 ნაკვეთი) წლიური ღირებულება, 1 ჰექტრზე შეადგენს 2.1 ლარს.

“მუნიციპალიტეტმა ვერ დაასაბუთა, რის საფუძველზე განისაზღვრა საიჯარო გადასახადის ოდენობა. პასუხისმგებელი პირის განმარტებით, საიჯარო ფასები, სავარაუდოდ, იმ პერიოდში განისაზღვრა, როდესაც საგარეჯოს მუნიციპალიტეტში მიწის ფართზე (საძოვრებზე) დადგენილი ქონების გადასახადი, ჰექტარზე 2 ლარს შეადგენდა.

2016-2017 წლებში მუნიციპალიტეტის მიერ მიღებული საიჯარო შემოსავლების შესწავლით გაირკვა, რომ მოიჯარეებს საიჯარო ქირა ფაქტობრივად არ გადაუხდიათ. კერძოდ, 2016 წელს 51 მოიჯარიდან, საიჯარო ქირა გადახდილია მხოლოდ 2 მოიჯარის მიერ და შეადგინა 0.4 ათასი ლარი, ხოლო 2017 წელს 6 მოიჯარის მიერ გადახდილია 2.6 ათასი ლარი. 2016-2017 წლებში საიჯარო შემოსავლების სახით მიუღებელმა თანხამ შეადგინა 20.0 ათასი ლარი, ხოლო მიწის ნაკვეთების საბაზრო ღირებულებით გაცემის შემთხვევაში, მისაღები შემოსავალი გაცილებით მეტი იქნებოდა.

მიუხედავად იმისა, რომ მოიჯარეები არ იხდიან საიჯარო ქირას, ღონისძიებები არსებული პრობლემის მოსაგვარებლად არ განხორციელებულა. გარდა ამისა, მოიჯარეებთან გაფორმებული ხელშეკრულებების მიხედვით, თანხის გადაუხდელობის შემთხვევაში, გათვალისწინებულია საჯარიმო სანქციები, ხოლო 3 თვის განმავლობაში გადაუხდელობის შემთხვევაში, უქმდება ხელშეკრულების მოქმედება. თუმცა, მუნიციპალიტეტის მიერ აღნიშნული ბერკეტები გამოყენებული არ არის. ამასთანავე, მოიჯარეების მიერ მიწის ფართებით სარგებლობა დასტურდება იმ გარემოებით, რომ მოიჯარეების დიდ ნაწილს გადახდილი აქვთ კანონმდებლობით გათვალისწინებული ქონების გადასახადი”,- ნათქვამია დასკვნაში.

იმის დასადგენად, თუ რამდენად შეესაბამებოდა საიჯარო ფასები საბაზროს, აუდიტის ჯგუფმა დამატებითი აუდიტორული პროცედურების შედეგად მოიჯარეების მიერ მიწის ფართების ქვეიჯარით გაცემის ხელშეკრულებები მოიპოვა.

“შედეგად დადგინდა, რომ საბაზრო ღირებულება 1 ჰექტარზე მნიშვნელოვნად აღემატება მუნიციპალიტეტის მიერ დადგენილ ფასებს. კერძოდ, მოიჯარეს 2010 წელს მუნიციპალიტეტისგან მიღებული აქვს 2 ნაკვეთი − 70 ჰექტარი და 6.5 ჰექტარი, წლიური ღირებულებით − 147 ლარი და 14 ლარი, რომლებიც 2012 წელს გასცა ქვეიჯარით, წლიური ღირებულებით − 2750 ლარი და 250 ლარი, ანუ თითოეული ფართი გაცემულია დაახლოებით 18-ჯერ მეტი ღირებულებით”,- ნათქვამია აუდიტის დასკვნაში.

მსგავსი სიახლეები
თბილისში ატმოსფერული ჰაერის დაბინძურების მთავარი მიზეზი ავტოსატრანსპორტო საშუალებების გამონაბოლქვია, – ამის შესახებ ნათქვამია პარლამენტის გარემოს
აჭარის მთავრობაში ახალი საკადრო გადაწყვეტილებები იგეგმება, - ეს განცხადება აჭარის მთავრობის თავმჯდომარემ თორნიკე რიჟვაძემ ხელვაჩაურში
ტელეკომპანია "მესამე" "მთელი ამბავი ელისო ჯარიაშვილისგან" https://www.youtube.com/watch?v=wv7AXf76yfE&t=4s
წინა სტატია კომპანია "ანტ სტროი ლტდ 2016-ი“, რომელსაც ფოთის მერიამ ხელშეკურლება მალთაყვაში შეუსრულებელი სამშენებლო სამუშაოების
ტყიბულის სპორტის სასახლეში, რომლის რეაბილიტაციას 2 400 000 ლარი მოხმარდა, წყალი ჩადის. დაზიანებულია რამდენიმე ოთახის
სახელმწიფო აუდიტის სამსახური სამტრედიის, ქუთაისის, რუსთავის, ხობის, საჩხერის და წალენჯიხის მუნიციპალიტეტების ფინანსური დოკუმენტაცია პროკურატურას გადაუგზავნა.
სოციალური საცხოვრისის შენობის 1 კვ.მ ფართის საბაზრო ღირებულება 540 ლარია, მაშინ როდესაც ქუთაისის მერიამ 1
ხელვაჩაურის მერიაში სახელმწიფო უსაფრთხოების სამსახური შევიდა. ინფორმაციას TV25 ავრცელებს. მუნიციპალიტეტის მერის ჯუმბერ ვარდმანიძის მტკიცებით, დაზუსტებული
წინა სტატია ფოთში 3 კორპუსის ევროპულ სტილში რეკონსტრუქციის პროექტში მუნიციპალიტეტმა 1 400 000-მდე ლარი დახარჯა. შენობის
წინა სტატია ფოთში საკრებულოს სხდომა ხმაურით მიმდინარეობდა. საკრებულოს წევრებს შორის დაპირისპირება სახელმწიფო აუდიტის სამსახურის დასკვნის
სახელმწიფო აუდიტის სამსახურში აცხადებენ, რომ ჩოხატაურის მუნიციპალიტეტის გამარტივებული წესით შესყიდულ სამშენებლო სამუშაოებში გამოვლენილი დარღვევები პროკურატურაში
წინა სტატია ფოთის მერიაში სახელმწიფო აუდიტის სამსახურის დასკვნას გამოეხმაურნენ. მათი თქმით, დოკუმეტი სარეკომენდაციო ხასიათისაა და
წინა სტატია ფოთში მალთაყვის სანაპირო ზოლის მოწყობის სამუშაოები, რომელშიც 4.1 მილიონი ლარია გადახდილი, უხარისხოდ შესრულდა
სახელმწიფო აუდიტის სამსახურის ინფორმაციით, ფოთში რეაბილიტირებულ საცხოვრებელ კორპუსში წყალი ჩადის, რამაც მოსახლეობის საცხოვრებელები დააზიანა. ინფორმაციას
როგორც სახელმწიფო აუდიტის სამსახურში აცხადებენ, 2018 წელს ჯამში 182.2 მილიონი ლარის ღირებულების 12 კაპიტალური პროექტი
%d bloggers like this: