იმ ტერიტორიის მიმდებარედ, სადაც ბიძინა ივანიშვილთან დაკავშირებული კომპანია ხუთვარსკვლავიან სასტუმროს აშენებს, არასასოფლო–სამეუნრეო დანიშნულების მიწის ნაკვეთი გასაყიდად აუქციონზე გაიტანეს. ინფორმაციას სამხრეთის კარიბჭე ავრცელებს.
სახელმწიფო ქონების ეროვნული სააგენტო აბასთუმანში, ყოფილი სანატორიუმის :ცისარტყელას“ მიმდებარედ 5 539.00 კვ.მ. ტერიტორიას ყიდის. საწყისი ფასი 554 000 ლარია.
“ცისარტყელას” ადგილზე სასტუმრო “საქართველოს ტურიზმის განვითარების ფონდის“ ინიციატივით შენდება. ამ კომპანიის 100%–იანი წილის მფლობელი, პანამაში რეგისტრირებული ოფშორული კომპანია, სააქციო საზოგადოება “FRANKSTON INTERNATIONAL–ია”. აღნიშნული კომპანია ბიძინა ივანიშვილის სახელს უკავშირდება. 140–ნომრიანი “პარაგრაფ მერიოტი” დამსვენებლებს 2020 წლიდან მიიღებს.
