ცენტრალური საარჩევნო კომისიის ვებგვერდზე გამოქვეყნებული წინასწარი მონაცემების მიხედვით, დედაქალაქში მმართველი პარტიის მიერ მხარდაჭერილმა კანდიდატმა, სალომე ზურაბიშვილმა “ნაციონალური მოძრაობის” კანდიდატ გრიგოლ ვაშაძესთან 4 158 ხმით წააგო.
სულ თბილისის მასშტაბით 10 საარჩევნო ოლქია, საიდანაც კანდიდატებმა ხუთ-ხუთი ოლქის მოგება შეძლეს, თუმცა, საბოლოო ჯამში სალომე ზურაბიშვილის მიერ მიღებული ხმები გრიგოლ ვაშაძის მიერ მიღებულ ხმებზე ნაკლებია.
წინასწარი მონაცემებით, ზურაბიშვილმა მთაწმინდის, ვაკის, საბურთალოს, ჩუღურეთისა და დიდუბის ოლქები მოიგო. რაც შეეხება ვაშაძეს, მან კრწანისის, ისნის, სამგორის, ნაძალადევისა და გლდანის საარჩევნო ოლქების მოგება შეძლო.
აღსანიშნავია, რომ ცენტრალურ საარჩევნო კომისიას 3 704 უბნის, ანუ უბნების 99.97% უკვე დათვლილი აქვს.
| საარჩევნო ოლქები | სალომე ზურაბიშვილი | გრიგოლ ვაშაძე |
|---|---|---|
| მთაწმინდა | 9 573 37.62% | 7 971 31.32% |
| ვაკე | 18 849 37.14% | 14 904 29.37% |
| საბურთალო | 23 495 37.55% | 19 021 30.4% |
| კრწანისი | 6 488 37.12 | 6 689 38.27% |
| ისანი | 13 856 32% | 16 957 39.16% |
| სამგორი | 16 978 29.9% | 23 826 41.95% |
| ჩუღურეთი | 10 358 38.99% | 8 914 33.56% |
| დიდუბე | 12 907 38.56% | 10 370 30.98% |
| ნაძალადევი | 18 758 33.4% | 20 576 36.63% |
| გლდანი | 17 782 29.84% | 23 974 40.23% |
| სულ | 149 044 ხმა | 153 202 ხმა |
