ახალციხეში ორსაუკუნოვანი ისტორიული სახლი ნგრევის პირასაა (ფოტო)

სტატია მომზადებულია “სამხრეთის კარიბჭის” მიერ

ავტორი: ავთო ინასარიძე

“ყველა ადგილობრივ ინსტანციაში ვიყავი, სხვადასხვა მერთან, გუბერნატორთან, დეპუტატთან, მაგრამ უშედეგოდ,“ – 1871 წელს აშენებულ სახლში წვიმის დროს წყალი ჩადის, ხის ჩუქურთმები და კედლის მხატვრობა კი ყოველდღიურად ნადგურდება.

მანანა იგითხანიშვილი ახალციხის ისტორიულ უბანში, ათონელის N14-ში დასთან ერთად ცხოვროვს. ხელისუფლებისგან კი წლებია, ძეგლის სტატუსის მქონე ორსაუკუნოვანი სახლის ჭერის შეკეთებას ითხოვს, თუმცა უშედეგოდ.

სახლს ძეგლის სტატუსი ძეგლთადაცვის სამინისტროს მიერ 2011–2012 წლებში, ათონელის ქუჩაზე სხვა სახლებთან ერთად მიენიჭა. ორსართულიან შენობაში, მეორე სართულზე ერთი ოთახის კედლები მოხატულია, სახლის შესასვლელს პირვანდელი, ძველებური რკინის ზარით და ცხრა კლიტულით მორთული ხის კარი აქვს, თუმცა ჭერიდან ჩამოსული წყალი წლებია ნახატსაც და ჩუქურთმებსაც აზიანებს.

იგითხანიშვილი ამბობს, რომ თვითმმართველობას რამდენჯერმე, სხვადასხვა დროს წერილობით მიმართა. ქალაქის ყოფილ მერს ვლადიმერ ზედგინიძეს კი პირადად სთხოვა შენობის შეკეთება:

“ქალაქის მერი ზედგინიძე ტაძრიდან მოვიყვანე ჩემს სახლთან და ჩემი გასაჭირი ვუთხარი. ოღონდ ხმა მომეცი რასაც გინდა გაგიკეთებთო, მას შემდეგ ჩემთან არავინ მოსულა. არადა წყალი წვიმის დროს სულ ჩამოდის და სახლი ინგრევა“.

ვლადიმერ ზედგინიძე “სამხრეთის კარიბჭესთან“ საუბარში აღნიშნავს, რომ იგითხანიშვილს მისთვის არ მიუმართავს: “ამ ქალბატონს ჩემთვის არ მოუმართავს და ამ სახლის საკითხზე არც მე მიმიმართავს ძეგლთადაცვის სამინისტროსთვის, რადგან ჩემი მიზანი ათონელის მთელი ქუჩის გაკეთება იყო და არა მხოლოდ იგითხანიშვილის სახლის“.

ახალციხის მერიის ინფრასტრუქტურის სამსახურის უფროსმა, გელვასი გელაძემ რედაქციის კითხვაზე, აპირებენ თუ არა ძეგლის სტატუსის მქონე შენობის საკუთარი რესურსებით შეკეთებას, გვიპასუხა: “ძეგლის სტატუსის მქონე შენობებს ჩვენ არ ვაკეთებთ, დაურეკეთ პრესსამსახურს“.

ახალციხის მერიის საზოგადოებასთან ურთიერთობის სამსახურში გვითხრეს, რომ სახლს ვერც მუნიციპალიტეტი და ჯერ ვერც კულტურის სამინისტრო შეაკეთებს: “მანდ სახლების შესაკეთებლად მთლიანი გეგმა უნდა არსებობდეს, რაშიც გათვალისწინებული იქნება აღნიშნული სახლიც“.

კულტურული მემკვიდრეობისა და ძეგლთა დაცვის სააგენტოში ამბობენ, რომ “კანონი თვითმმართველობებს ავალდებულებთ ბიუჯეტის დაგეგმვისას გაითვალისწინონ ის მინიმალური ხარჯები, რომლებიც კრიტიკულ მდგომარეობაში მყოფი კულტურული მემკვიდრეობის სახლებისთვისაა საჭირო. საქართველოში 15 000 ასეთი სახლია, რომელსაც ესაჭიროება გადაუდებელი რეაბილიტაცია და ბუნებრივია, ჩვენ გვაქვს ვალდებულიება აღებული ამ საკითხზე. ჩვენი ზედამხედველობის სამსახური ამ სახლის მდგომარეობით დაინტერესდება“.

მანანა იგითხანიშვილი ამბობს, რომ ორსაუკუნოვანი სახლის გადასარჩენად სასწრაფოდ მხოლოდ ჭერის შეკეთებაა საჭირო, იმისთვის რომ წვიმის წყლით კედლები კიდევ უფრო მეტად არ დაზიანდეს.

მსგავსი სიახლეები
მოქალაქეებმა რევაზ ლაღიძის ძეგლის დადგმის მოთხოვნით ინტერნეტმანიფესტი მოამზადეს, რომლის ადრესატიც თბილისის საკრებულო, თბილისის მერია და კულტურისა და ძეგლთა დაცვის
გურჯაანის მუნიციპალიტეტის გამგეობამ ძეგლთა დაცვის სამინისტროს კიდევ ხუთი ეკლესიისთვის კულტურული მემკვიდრეობის ძეგლის სტატუსის მინიჭების მოთხოვნით
სტატია მომზადებულია "სამხრეთის კარიბჭის" მიერ. ავტორი: ლუბა გიორგაძე, ნანა ინასარიძე აქ საკუთარი დარბაზის ასაკი თითქმის
ადიგენში ფხერო-შოყას დამაკავშირებელი გზის რეაბილიტაციაზე მერიამ ტენდერი 1 552 290 ლარზე გამოაცხადა. სწორედ ეს გზა
ხობის სოფელ ძველ ხიბულაში იმ სახლის რეკონსტრუქცია დაიწყო, სადაც საქართველოს პირველმა პრეზიდენტმა ზვიად გამსახურდიამ სიცოცხლის
ზუგდიდის ბოტანიკური ბაღის რეაბილიტაცია 2019 წლის ზაფხულში დასრულდება. რეგიონული განვითარებისა და ინფრასტრუქტურის სამინისტროს ინფორმაციით,  პროექტი,
ახალგორის მუნიციპალიტეტის სოფელ იკოთში მდებარე მუხრან-ბატონის სასახლეს კულტურული მემკვიდრეობის დაცვის ეროვნული სააგენტოს დირექტორის ნიკოლოზ ანთიძის
ტალინის მიკკელის მუზეუმში გამოჩენილი ქართველი მხატვრის ნიკო ფიროსმანის ნამუშევრების გამოფენა - "ფიროსმანი - მარტოხელა გენიოსის
საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის, ნიკოლოზ ანთიძის ბრძანებით, არამატერიალური მემკვიდრეობის ელემენტ ბორანოს მომზადების წესსა და
სენაკში ნოქალაქევის არქიტექტურულ-არქეოლოგიური კომპლექსის რეკონსტრუქციის მეორე ეტაპის სამუშაოებისთვის ტენდერი გამოცხადდა. ინფორმაციას ლაივპრეის ავრცელებს. რეკონსტრუქციის ფარგლებში ახალი
შიდა ქართლის რწმუნებული გიორგი ხოჯევანიშვილი კასპის მუნიციპალიტეტში იმყოფებოდა, სადაც ის ადგილები და ობიექტები მოინახულა, რომლებიც
შიდა ქართლის სამხარეო ადმინისტრაციისა და შიდა ქართლის ჰაბის ორგანიზებით გორის ციხის და მიმდებარე ტერიტორიის განვითარების
საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ნიკოლოზ ანთიძის ბრძანებით არამატერიალური მემკვიდრეობის ელემენტს ლელობურთს
ქალაქ ქუთაისში კომპოზიტორ ზაქარია ფალიაშვილის მემორიალური სახლ-მუზეუმის ისტორიულ შენობას, ეროვნული კატეგორიის უძრავი ძეგლის სტატუსის მისანიჭებლად
წინა სტატია ქუთაისში ყოფილი "კომკავშირის ქალაქკომის" შენობა, რომელიც მესხიშვილის თეატრის უკან, ნიუპოტისა და ბროსეს ქუჩების კვეთაზე
%d bloggers like this: