ქუთაისში ნიკეას ქუჩის 44 ნომერში მცხოვრებლებმა საპროტესტო აქცია გამართეს. ისინი კორპუსის წინ შენობის მშენებლობას აპროტესტებენ. ინფორმაციას იმედინიუსი ავრცელებს.
ადგილობრივების თქმით, სკვერით ბავშვები სარგებლობენ და კომპანიას არ მისცემენ მშენებლობის საშუალებას.
სამშენებლო სამუშაოები წუხელ დაიწყო. გავრცელებული ინფორმაციით, ადგილზე სასტუმრო უნდა აშენდეს. აქციის მონაწილეებმა გზის გადაკეტვა სცადეს, თუმცა პოლიციამ მათ ამის საშუალება არ მისცა.
ქუთაისის მერიაში აცხადებენ, რომ ამ ტერიტორიაზე არანაირი სახის სამშენებლო ნებართვა არ არსებობს და არც მოთხოვნაა შესული პროექტის შესახებ. ქუთაისის მერის განცხადებით, ტერიტორიაზე მოსახლეობასთან შეთანხმების გარეშე არც ერთ სამშენებლო პროექტზე არ გაიცემა ნებართვა.