ამბროლაურის მუნიციპალიტეტის სოფლებში – ურავი, ლიხეთი, კაჩაეთი და ქვიშარი, წყალსადენი სისტემების სარეაბილიტაციო სამუშაოები მიმდინარეობს.
მერიის ინფორმაციით, პროექტების სახელშეკრულებო ღირებულება 365 065 ლარს შეადგენს.
“რეაბილიტაციის დასრულების შემდეგ, აღნიშნული სოფლების მოსახლეობის წყალმომარაგება მკვეთრად გაუმჯობესდება”,- აცხადებენ მერიაში.
შეგახსენებთ, რომ ამბროლაურის მუნიციპალიტეტში სოფლების წყალსადენი სისტემების რეკონსტრუქცია-რეაბილიტაციისთვის 2018 წელს 1 025 000 ლარი დაიხარჯება.
