droa.ge-ს სტატიის შემდეგ სოფელ ზინობიანში პრობლემების მოგვარება დაიწყეს

წინა სტატია

სოფელ ზინობიანში, რომლის გასაჭირზეც droa.ge ცოტა ხნის წინ წერდა, ადგილობრივმა ხელისუფლებამ პრობლემების მოგვარება დაიწყო.

სოფელი, რომელსაც არც გზა აქვს, არც წყალი და  ხშირად არც დენი, არც ექიმი ჰყავს და არც ამბულატორია აქვს, ყვარლიდან სულ 12 კილომეტრში მდებარეობს და მსოფლიო ეთნოკულტურისთვის უმნიშვნელოვანეს ადგილს წარმოადგენს, რადგან აქ, სოფელ ზინობიანში, კომპაქტურად ცხოვრებენ უდები (უდინები), რომელთა საერთო რაოდენობა მსოფლიოში სულ ათი ათასამდეა. კომპაქტურად კი მხოლოდ რამდენიმე ადგილას ცხოვრობენ, მათ შორის ერთ-ერთი სწორედ ზინობიანია.

ერთ წელზე მეტი ამ სოფელში მცხოვრები მოსახლეობა ყვარლის მუნიციპალიტეტს გზის მოხრეშვას სთხოვდა, რადგან აქ გადაადგილება უკვე შეუძლებელი ხდებოდა. სოფელი მზად იყო, ადგილობრივ ხელისუფლებასთან ერთად, თავადაც ფიზიკურად ემუშავა იმისათვის, რომ საკუთარი გზა მოეწესრიგებინა.

ყვარლის მერიას, რომელსაც ინფრასტრუქტურული პროექტებისთვის თანხებს, სხვა მუნიციპალიტეტების მსგავსად, ცენტრალური ბიუჯეტიდან ლიმიტირებულად აძლევენ, საკუთარი მწირი შემოსავლებით, არათუ გზის კაპიტალური შეკეთების, ხშირად მისი მოხრეშვის თანხაც კი არ აქვს.

ამის მიუხედავად, droa.ge-მ, ადგილობრივ მოსახლეობასთან ერთად, გამოსავალი იპოვნა – ცოტა ხნის წინ მდინარე დურუჯიდან, მისი კალაპოტის გაწმენდის შემდეგ, 2 მილიონ კუბამეტრზე მეტი ნაშალი ამოიღეს. ნაშალის ნაწილი ნაპირსამაგრ სამუშაოებს მოხმარდა, დიდი ნაწილი კი მდინარის პირას იყო დაყრილი. სწორედ ამ მასალით იყო შესაძლებელი ზინობიანის და კიდევ რამდენიმე მსგავსი პრობლემის მქონე სოფლის გზის მოხრეშვაც.

როგორც ჩანს, ეს გამოვასავლი ადგილობრივი ხელისუფლებისთვისაც ოპტიმალური აღმოჩნდა და პრობლემის მოგვარებაც ოპერატიულად დაიწყო – რამდენიმე დღის წინ სოფელში ხრეში უკვე მიიტანეს და სამუშაოებიც იწყება.

როგორც უკვე გითხარით, გზის გარდა, სოფელს არ აქვს ამბულატორია, რის გამოც მოსახლეობას, პირველადი ჯანდაცვის სერვისის მისაღებად და სოფლის ექიმთან მოსახვედრად, სხვა სოფლამდე რამდენიმე კილომეტრის გავლა უწევს. მიუხედავად იმისა, რომ პირველადი ჯანდაცვაც ცენტრალიზებულია, ჯანდაცვის სამინისტროს მოსაგვარებელია და არა – ადგილობრივი ხელისუფლების, ზინობიანელებმა droa.ge-ს უთხრეს, რომ მათ ამბულატორიის მოწყობის პირობაც მიიღეს. გარდა ამისა, შესაძლებელია, სოფელს სკვერიც გაუკეთონ.

დაგეგმილი სამუშაოების სანახავად და მოსახლეობასთან შესახვედრად 2 დღის წინ სოფელში, ადგილობრივ ხელისუფლებასთან ერთად, პარლამენტის რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნია და ყვარლის მაჟორიტარი დეპუტატი ჩავიდნენ. “მოსახლეობისთვის მნიშვნელოვანია, რომ ჩვენ, ხელისუფლება, მათთვის უფრო ხელმისაწვდომი ვართ და მათი საჭიროებების შესახებ ხმა ასე უფრო ძლიერად ისმის”, – განაცხადა გაბუნიამ ზინობიანელებთან შეხვედრის შემდეგ.

ცხადია, ამ სოფლის პრობლემები მხოლოდ გზის მოხრეშვით ვერ მოგვარდება. ახლა მოსახლეობამ, ადგილობრივ ხელისუფლებასთან ერთად, როგორც მინიმუმ, ზრუნვა იმაზე უნდა დაიწყოს, რომ მოხრეშილი გზა, რომელიც ერთი წლის შემდეგ თითქმის იმავე მდგომარეობაში აღმოჩნდება, როგორშიც ახლაა, მომავალ წელს მაინც, რეგიონებში განსახორციელებელი პროექტების ფონდის დახმარებით, კაპიტალურად შეკეთდეს.

და თუ ყვარლის მუნიციპალიტეტი, დაპირებული დეცენტრალიზაციის შემდეგ, საკუთარი შემოსავლების გაზრდას შეძლებს, ზინობიანისა თუ სხვა სოფლების საჭიროებების მოსაგვარებლად ცენტრალურ ხელისუფლებაზე კიდევ უფრო ნაკლებად იქნება დამოკიდებული, რაც ადგილობრივ ხელისუფლებასაც უფრო ეფექტურს გახდის და მოსახლეობასაც – უფრო კმაყოფილს.

მსგავსი სიახლეები
წინა სტატია ყვარელში 2 500 მაყურებელზე გათვლილი უეფა-ს მეორე კატეგორიის სტადიონი აშენდება, - ამის შესახებ 
ყვარლის მუნიციპალიტეტის მერმა კახეთის რეგიონში მოქმედი ადგილბრივი და ცენტრალური მედია საშუალებების წარმომადგენლებს 2018 წელს განხორციელებული
ყვარლის მუნიციპალიტეტის მერიასა და ბელორუსიის რესპუბლიკის კრუპსკის რაიონს შორის თანამშრომლობის მემორანდუმი გაფორმდა. როგორც მერიაში აცხადებენ,
რამდენიმე მუნიციპალიტეტს ახალი პროექტებისთვის რეგფონდიდან დამატებითი თანხები გამოეყო. საქართველოს მთავრობის გადაწყვეტილებით პროექტებისთვის თანხები ყვარლის, ახმეტის, თელავის,
წინა სტატია სტატიის გაგრძელება ყვარლის მუნიციპალიტეტს რეგიონებში განსახორციელებელი პროექტების ფონდიდან 2019 წელს 3 პროექტი 1
ყვარლის მუნიციპალიტეტის სოფელ ზინობიანში საძოვრების გაყიდვას აპროტესტებენ. ინფორმაციას იმედინიუსი ავრცელებს. ადგილობრივების თქმით, 15 ჰექტარი მიწის
ყვარლის ბაღების გაერთიანების უკვე ყოფილი ხელმძღვანელი ყვარლის მერს სასამართლოში უჩივის. მაია სამიტაშვილი ამბობს, რომ როსტომ
ყვარლის მუნიციპალიტეტში რეგიონებში განსახორციელებელი პროექტების ფონდიდან ინფრასტრუქტურული პროექტების განსახორციელებლად, ამ ეტაპზე, 826 424 ლარია გამოყოფილი.
წინა სტატია ყვარლის მუნიციპალიტეტის 2019 წლის ბიუჯეტმა 11 742 703 ლარი შეადგინა. გასული წლის მსგავსად
ყვარლის მუნიციპალიტეტის 2019 წლის ბიუჯეტიდან თანამშრომელთა ყოველთვიური ანაზღაურებისთვის 1 500 000 ლარია გამოყოფილი. ინფორმაციას კახეთის
სოფლის მხარდაჭერის პროგრამის ფარგლებში, საპროექტო წინადადებების შერჩევის მიზნით, ყვარლის მუნიციპალიტეტის სოფლებში, ეტაპობრივად კრებები ჩატარდება, სადაც
ესტონეთის საელჩოს მხარდაჭერით ყვარლის სოფელ გრემში სოციალური მეწარმეობისა და ორგანული სოფლის მეურნეობის ხელშეწყობის პროგრამის ფარგლებში,
წინა სტატია ყვარლის ცენტრში მდებარე XVI-XVIII საუკუნეებში აგებული ციხე-კოშკის ჩამონგრეული ნაწილის რეაბილიტაცია დაიწყო. ინფორმაციას კახეთის
ყვარელის ბაღების გაერთიანების ხელმძღვანელს მაია სამიტაშვილს თანამშრომელი ფსიქოლოგიურ ზეწოლაში ადანაშაულებს. მანანა ელოშვილი ამბობს, რომ სამსახურის
ღვარცოფული მდინარეები კახეთის რეგიონის მოსახლეობას პრობლემებს ყოველ წელს უქმნის. უხვი ნალექების შედეგად მდინარეები მუდმივად დიდდება
%d bloggers like this: