მთაწმინდის რაიონში, ბარნოვის ქუჩის N8-ში, გრუნტის დამჭერი კედლისა და ლითონის ღობის რეკონსტრუქცია დასრულდა.
პროექტის ფარგლებში, გამგეობამ ავარიული კედლის სრული დემონტაჟი განახორციელა და დაზიანებული ღობის ჭედური ელემენტები აღადგინა.
როგორც გამგეობაში აცხადებენ, სამუშაოების შესრულებისას, ერთ-ერთი მთავარი ფაქტორი ქალაქისთვის ძველი უბნის იერსახის შენარჩუნება იყო.
სარეკონსტრუქციო სამუშაოებისთვის გამგეობის ბიუჯეტიდან 27 ათასი ლარი დაიხარჯა.
