ქალაქ კასპში პროფესიული სასწავლებლის მშენებლობა დაიწყო. ამჟამად სსიპ „საგანმანათლებლო და სამეცნიერო ინფრასტრუქტურის განვითარების სააგენტოს“ მიერ გამოცხადებულ კონკურსში გამარჯვებული შპს „თბილი სახლი“ არსებული შენობის დემონტაჟს ახორციელებს.
აღნიშნული სასწავლებლის სამუშაოების ჯამური ღირებულება 3 893 624 ლარს შედაგენს, საიდანაც 1 500 000 ლარი მიმდინარე წელს ხოლო, 2019 წელს 2 393 624 ლარი დაიხარჯება.
პროფესიული სასწავლებლის გარდა მოეწყობა სპორტული ინფრასტრუქტურა და ეზო.
“პროფესიული სასწავლებელი ხელს შეუწყობს ახალგაზრდების პროფესიულ მომზადებას და შემდგომში მათ დასაქმებას”, – აცხადებენ მერიაში.
