საქართველოს გაზის ტრანსპორტირების კომპანია დედოფლისწყაროსა და ლაგოდეხის მუნიციპალიტეტების გაზიფიცირების სამუშაოებს იწყებს. ინფორმაციას “კახეთის ხმა” ავრცელებს.
გაზის ტრანსპორტირების კომპანიის ინფორმაციით, პროექტი საქართველოს მასშტაბით, კიდევ 8 მუნიციპალიტეტში განხორციდება.
“მოსახლეობის გაზიფიცირებაზე, ჯამში, 25 მილიონამდე ლარის დახარჯვაა გათვალისწინებული. გაზის ტრანსპორტირების კომპანიამ სამუშაოების შესყიდვის მიზნით სხვადასხვა ღირებულების 14 ტენდერი გამოაცხადა. მოსახლეობის გაზიფიცირება სულ 40-მდე სოფელში იგეგმება. პროექტი განხორციელდება თერჯოლის, წყალტუბოს, ბოლნისის, დედოფლისწყაროს, სენაკის, ლაგოდეხის, ლანჩხუტის, ჩოხატაური, გორისა და დუშეთის მუნიციპალიტეტების სოფლებში. სატენდერო პირობების მიხედვით, გამარჯვებულმა კომპანიებმა სამუშაოები ხელშეკრულების გაფორმებიდან მაქსიმუმ 3-5 თვეში უნდა დაასრულონ”, – განაცხადეს გაზის ტრანსპორტირების კომპანიაში.
