აეროპორტის დასახლებაში ინფრასტრუქტურული სამუშაოები მიმდინარეობს. შალვა ჭანკვეტაძის გამზირზე კაპიტალური გზა კეთდება.
კახეთის გზატკეცილის მიმდებარედ, სანდრო შანშიაშვილისა და შალვა ჭანკვეტაძის ქუჩების კვეთიდან „საქაერონავიგაციის“ ადმინისტრაციულ შენობამდე 7 000 კვადრატულ მეტრზე ორფენიანი ასფალტ-ბეტონის საფარი იგება, გზასთან ერთად მიმდინარეობს ტროტუარების მოწყობაც.
პროექტის საერთო ღირებულება 380 ათასი ლარია.
