ჩხოროწყუს მუნიციპალიტეტის სოფელ ლესიჭინეში, რუსთაველის უბანში, მიმდინარეობს სანიაღვრე არხის მოწყობა, რომლის დასრულების შემდეგ ასფალტის საფარის მეორე ფენა დაიგება.
მუნიციპალიტეტის მერიის ცნობით, აღნიშნულ უბანში 3 კმ-ის მანძილზე დაიგო ასფალტ-ბეტონის საფარის ერთი ფენა. სამუშაოებს შპს ,,არქეოპოლისი“ ასრულებს.
პროექტი, რომლის ღირებულებაც 712 000 ლარია, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.
