ხელვაჩაურის სოფელ ჩელტაში მოქალაქეებმა საპროტესტო აქცია გამართეს და მუნიციპალური ტრანსპორტის დანიშვნა მოითხოვეს. ინფორმაციას “აჭარის ტელევიზია” ავრცელებს.
აქციის მონაწილეების თქმით, სამარშუტო ტაქსები სოფელში საათში ერთხელ დადიან. აქციას სკოლის პედაგოგებიც შეუერთდნენ.
“აუცილებელია დამატებით დაინიშნოს სამარშრუტო ხაზი, სოფელში მხოლოდ 147 ნომერი დადის, ისიც საათში ერთხელ მოძრაობს, ამის გამო მასწავლებლებს სკოლაში მისვლა აგვიანდებათ. მინიმუმ ნახევარ საათში ერთხელ დადიოდეს”, – ამბობდნენ აქციაზე შეკრებილები.
ჩელტაში მცხოვრებლები მგზავრობის ტარიფის თვითნებურ ზრდასაც აპროტესტებენ, პრობლემის შესახებ მერიაში დაწერეს განცხადება, თუმცა მათი თქმით, “პასუხი ამ დრომდე არ მისვლიათ“.
147 სამარშუტო ხაზზე ტარიფი თებერვალში გაიზარდა.
