კასპის მუნიციპალიტეტში, სოფელ სამთავისის ტაძართან გზის სარეაბილიტაციო სამუშაოები მიმდინარეობს. ინფორმაციას კასპის მუნიციპალიტეტის მერია ავრცელებს.
გზის რეაბილიტაციის სამუშაოებს, რომლის სიგრძე 800 გრძივი მეტრია, ტენდერში გამარჯვებული შპს „საგზაო სამშენებლო სამმართველო #1“ ასრულებს.
პროექტი რეგიონული განვითარების პროექტებიდან მუნიციპალიტეტის ადგილობრივი ბიუჯეტის თანადაფინანსებით ხორციელდება, რომლის ღირებულება 602 876 ლარია.
