მიმდინარე წელს, გარდაბნის მუნიციპალიტეტის ოთხ სოფელში – ჯანდარაში, ვახტანგისიში, ქესალოში და ნაზარლოში გზა მოწესრიგდება. ინფორმაციას გარდაბნის მუნიციპალიტეტის მერია ავრცელებს.
პროექტის მიხედვით მოასფალტდება გზის 10,43 კილომეტრიანი მონაკვეთი.
სამუშაოები ადგილობრივი ბიუჯეტიდან ფინანსდება, შესყიდვის სავარაუდო ღირებულება 1 597 729.14 ლარს შეადგენს.
ამ ეტაპზე გამოცხადებულია სახელმწიფო ტენდერი სამშენებლო სამუშაოების შესასყიდად, წინადადებების მიღება 11 აპრილს დასრულდება.
