14 მარტს ამბროლაურის მუნიციპალიტეტში, რიგგარეშე საკონსულტაციო საბჭოს სხდომა გაიმართა, რომლის შემადგენლობაში გუბერნატორთან ერთად, რეგიონში შემავალი მუნიციპალიტეტების მერები, საკრებულოს თავმჯდომარეები და მათი მოადგილეები შედიან. ინფორმაციას რაჭა-ლეჩხუმისა და ქვემო სვანეთის მხარე ავრცელებს.
არჩილ ჯაფარიძემ დღის წესრიგით გათვალისწინებული სხვადასხვა საკითხი განიხილა. განსაკუთრებული ყურადღება რეგიონში დაგეგმილ ჰიდრო-ენერგო ობიექტების მშენებლობას დაუთმო, მუნიციპალიტეტების მერებს კი სთხოვა, მოიპოვონ სრულყოფილი ინფორმაცია აღნიშნულ საკითხზე და მას შემდეგ, უპასუხონ საზოგადოების შეკითხვებს.
თათბირზე ასევე განხილულ იქნა დღის წესრიგით გათვალისწინებული სხვა საკითხები: ქალაქ ამბროლაურის საკანალიზაციო ქსელის მოწყობასთან დაკავშირებული დოკუმენტაციის დროულად მიწოდება შესაბამის სტრუქტურებთან, დაფინანსების მოპოვების მიზნით, საზედამხედველო კომპანიის – ,,შპს ესქპერტიზა, მშენებლობა, დიზაინი“-ს მიერ გაწეული სამუშაოები და სხვადასხვა საკითხები.
ასევე, გუბერნატორის მითითებით, რეგიონში მასშტაბური დასუფთავების აქცია დაიგეგმა.
