ბორჯომის მუნიციპალიტეტის საკრებულო მერიას გაზრდილ ხელფასებს არ უმტკიცებს. ამის გამო მერიის თანამშრომლები გაიფიცნენ კიდეც. მოსახლეობის მოსაზრება თვითმმართველობაში ხელფასების მატებასთან დაკავშირებით სხვადასხვანაირია.
ეთანხმებით თუ არა ბორჯომის მერიაში ხელფასების ზრდას? – ამ შეკითხვის ბორჯომის მოსახლეობას “სამხრეთის კარიბჭემ” მიმართა.
ბორჯომის თვითმმართველობაში პოლიტიკური კრიზისი ჯერ კიდევ გრძელდება. უკვე მეოთხედ მერიამ საკრებულოს ახალი საშტატო ნუსხისა და თანამდებობრივი სარგოების დამტკიცების თაობაზე მიმართა. საკრებულო საკითხზე 9 მარტს ჩანიშნულ რიგგარეშე სხდომაზე იმსჯელებს, თუმცა, მანამდე, წარმომადგენლობითმა ორგანომ საკითხი სამჯერ ჩააგდო.
