არასამთავრობო სექტორი მთავრობას სპეციალურ მიმართვას უგზავნის. 14 ორგანიზაცია ითხოვს, რომ ტერიტორიული ოპტიმიზაციის საკითხის განხილვა და გადაჭრა ხელისუფლებამ მოსახლეობის მოსაზრებების გათვალისწინებით უნდა მიიღოს.
მათი აზრით, დეცენტრალიზაციის რეფორმის პროცესში უმნიშვნელოვანესი ადგილი უკავია თვითმმართველი ერთეულების ოდენობის განსაზღვრის საკითხს.
სამოქალაქო საზოგადოებამ მთავრობას წინადადებების პაკეტიც წარუდგინა, რომელიც ითვალისწინებს თვითმმართველი ქალაქების გამოყოფის შედეგად დარჩენილ ტერიტორიაზე რამდენიმე მუნიციპალური ერთეულის ჩამოყალიბებას.
