რუსთავში პროექტი “ქალაქი-ბიბლიოთეკა” იწყება

რუსთავში სოციალურ-საგანმანათლებლო პროეექტი – “ქალაქი-ბიბლიოთეკა” იწყება. პროექტის ფარგლებში რუსთავის მერიასა და ელექტონული წიგნების სახლ “საბას” შორის ურთიერთთანამშრომლობის მემორანდუმი გაფორმდა. მემორანდუმს ხელი რუსთავის მერმა ირაკლი ტაბაღუამ და ელექტრონული წიგნების სახლ “საბას” დირექტორმა, ირინა ჯავახაძემ მოაწერეს.

მემორანდუმის ფარგლებში, რუსთავში მწერლების სახელობის ქუჩებში, ბიბლიოთეკების შენობებთან, პარკებსა და სკვერებში, ორიგინალური კონსტრუქციები – “საბას” ელექტრონული ბიბლიოთეკები დამონტაჟდება. მათზე დაბეჭდილი QR კოდისა და სპეციალური აპლიკაციის მეშვეობით ნებისმიერი მსურველი მობილურ ტელეფონში უფასო წიგნების ჩამოტვირთვასა და მათ წაკითხვას შეძლებს.

მეორანდუმის საფუძველზე, რუსთავის მერია საკუთარი სახსრებით უზრუნველყოფს ქუჩის მანიშნებლებისა და ელექტრონული ბიბლიოთეკის სტენდების დამზადება-მონტაჟს.

თბილისისა და ქუთაისის შემდეგ, რუსთავი მესამე ქალაქია, სადაც ელექტრონული წიგნების სახლი “საბა” აღნიშნულ პროექტს განახორციელებს.

მსგავსი სიახლეები