2018 წელს იმერეთში ახალი, ევროსტანდარტების შესაბამისი რეგიონული სანიტარული ნაგავსაყრელის მშენებლობა დაიწყება. ინფორმაციას ამის შესახებ რეგიონული განვითარებისა და ინფრასტრუქტურის სამინისტრო ავრცელებს.
უწყების ცნობით, ახალი ნაგავსაყრელი იმერეთის, რაჭა-ლეჩხუმისა და ქვემო სვანეთის მუნიციპალიტეტებს მოემსახურება. ამასთან, ორივე რეგიონში მოეწყობა ნარჩენების გადამტვირთი სადგურები. მშენებლობა 2018 წელს დაიწყება და მისი დასრულება 2019 წლისთვისაა დაგეგმილი. სამინისტროს ცნობით, მშენებლობის პერიოდში დასაქმდება 150 ადამიანი.
